Lao Football forum

ນັກ​​​ເຕະບານ​ເຍົາວະ​ຊົນລາວ​ ​ໄດ້ລາງວັນ​ມາລະຍາດ​ດີ​ເດັ່ນ ລະດັບ​ໂລກ

* ນັກ​ກິລາ​​ເຕະບານລາວ​ ຮຸ່ນ ອາຍຸ​ບໍ່​ເກີນ 18 ປີ ສ້າງ​ຊື່​ສຽງ​ໃຫ້​ແກ່​ປະ​ເທດຊາດ ໂດຍ​ການ​ໄດ້​ຂັນ​ມາລະຍາດ​ດີ​ເດັ່ນ ຈາກ​ການ​ແຂ່ງຂັນບານ​ເຕະ​ປະຈຳ​ປີ ໂກ​ ທຽນຄັບ ຢູ່ປະ​ເທດ ຊູແອດ ເຊິ່ງ​ເປັນ​ການ​ແຂ່ງຂັນ​ບານ​ເຕະ​ລະດັບ​ເຍົາວະ​ຊົນສາກົນ​ ທີ່​ໃຫຍ່​ທີ່​ສຸດ​ໃນ​ໂລກ ​ໂດຍ​ຈັດ​ຂຶ້ນ ໃນ​ວັນ​ທີ 18-24 ກໍລະກົດນີ້ແລະມີ​ນັກ​ກິລາ ​ເຂົ້າ ​ຮ່ວມ​ 1.571 ທີ​ມ ຈາກ 60 ກວ່າ​ປະ​ເທດ.
ນັກ​ກິລາ​ລາວ ເຊິ່ງແມ່ນທີ​ມ ​ໂຮງຮຽນພັດທະນາ​ອັງກິດ ​ບ້ານ ໂພນສະຫວັນ ແຂວງ ຊຽງ​ຂວາງ ​ໄດ້​ເຂົ້າຮ່ວມການ​ແຂ່ງຂັນບານ​ເຕະ​ເຍົາວະ​ຊົນ​ ທີ່​ໃຫຍ່​ທີ່​ສຸດ​ໃນ​ໂລກ ໂດຍ ສາ ມາດສ້າງ​ຜົນງານ​ໄດ້​ດີ​ຜ່ານ​ເຂົ້າ​ໄປ​ເຖິງ​ຮອບ 4 ທີ​ມສຸດ​ທ້າຍ ​ເຖິງ​​ວ່າ ຈະ​ເສຍ​ຈາກ​ ການ​ຍິງ​ລູກ​ໂທດ 2-3 ໃຫ້ແກ່ທີ​ມ ​ຮົງ​ກາລີ ກໍ​ຕາມ, ແຕ່​ນັກ ​ເຕະບານ​ຊາວ​ ຫນຸ່ມ​ ຂອງ ​ລາວ ກໍ​ຍາດ​​ໄດ້ຕຳ​ແຫນ່​ງອັນ​ຊົງ​ກຽດມາ​ຄອງຄືທີ​ມມາລະຍາດ​ດີ​ເດັ່ນ, ຂະນະທີ່ນັກ​ ເຕະ ​ບານ ພາຍ​ໃນ​ທີ​ມອີກ 4 ຄົນ ກໍ​ໄດ້​ຮັບ​ລາງວັນ ​ນັກ​ເຕະບານ​ດີ​ເດັ່ນ ເຊັ່ນດຽວ​ກັນ ໂດຍປະກອບ​ມີ ທ້າວ ຕູ​ລີ ພົມມະ​ໄຊ,​​​ທ້າວ ເພັງ​ຢາງ, ທ້າວ ນວດ ພົມ​ລາຕີ ແລະ ​ທ້າວ ໄພ​ຢາງ.
ທ້າວ ​ໄຊ​ສະຫວາດ ຫົວຫນ້າ​ທີ​ມກ່າວ​ວ່າ: ​ເປັນຄວາມ​ພາກພູມ​ໃຈ​ຫລາຍ​ທີ່​ໄດ້​ມາ​ຮ່ວມ​​ແຂ່ງຂັນ​ໃນ​ລະດັບ​​ໂລກ ​ແລະ ພວກ​ເຮົາ​ມີ​ຄວາມສຸກ​ຫລາຍ​ທີ່​ໄດ້​ ຕຳ​ ແຫນ່ງ ດັ່ງກ່າວ ​ອັນເປັນການສະ​ແດງ​ໃຫ້ ໂລກ​ຮັບ​ຮູ້​ເຖິງ​ຄວາມສາມາດ​ຂອງ​ນັກ​ກິລາ​ລາວ ​ກໍສາມາດ​ເຮັດ​ໄດ້​ດີ​ເຊັ່ນດຽວ​ກັນ./.